တန်ဘိုးနှစ်မျိုးနဲ့ နှစ်မျက်နှာ (ဗိုလ်ချုပ်ကျော်ဇောမွေးနေ့ ၉၀ ပြည့် သို့)

(က)
သိမ်းယူထားတဲ့ အာဏာ
အခွင့်ထူးတွေရလာ၊ အာဏာရစ်မူးလာ
ပုလ္လင်ပေါ်မှာ ကော်ထူထူကပ်ထား
သံမှိုစွဲထား
တဖဝါး မကွာတော့။

အာဏာအတွက်
လူတွေရဲ့ အသက်ကိုသတ်ဖြတ်ရ
ဖိနှိအပ်ချေမှုန်း အနိုင်ကျင့်ရ
ပြည်တွင်းစစ်မီး ဟုန်းဟုန်းထ။

သူတို့ရဲ့ဘွဲ့ထူး
ဂုဏ်ထူးသိက္ခာ၊ æ ကြည့်ပါ
အာဏာအရူးအမူး လူသတ်သမားတွေ
ကောက်ကျစ်စုတ်ပဲ့ လူယုတ်မာတွေ
အရှက်ကင်းမဲ့သူတွေ
စစ်ရာဇဝတ်ကောင်တွေ
တိုင်းပြည်ဆုတ်ယုတ်ပျက်ဆီး
လူ့အဖွဲ့အစည်းရဲ့ တရားခံတွေ
--------- တွေ
------------- တွေ
ဆဲသံဆိုသံ၊ ကဲ့ရဲ့သံတွေ
ရှုံ့ချမောင်းမဲ၊ တောထုတ်သံတွေ။

ငါတို့တိုင်းပြည်
ဒီ အနာ့ပဆုတ်တွေကြောင့်
ကြက်သရေ အခါခါယုတ်
ဂုဏ်ပုဒ်ကင်းမဲ့
ရှက်ပါရဲ့ ။

(ခ)
ဖိုးသက်တော်ရှည် ဗိုလ်ချုပ်က
အမျိုးသား ပြည်သူ
လူထုကိုချစ်တယ်
တိုင်းပြည်ကို ချစ်တယ်
အာဏာတန်ခိုးထက်
လူထုကို လေးစားမြတ်နိုး
လူထုအရိပ်မှာ ခိုကိုး
လူထုအကျိုးကို ဦးထိပ်ပန်ဆင်
ပြည်သူသာလျှင် အမိအဖ
အဖိုးရဲ့ ရာဇဝင်မှာတွေ့နေခဲ့ရ
ဘဝတလျှောက်လုံးမှာ ။

လွတ်လပ်ရေး
ပြည်သူ့ဒီမိုကရေစီရေး
ငြိမ်းချမ်းရေး ချွေးသွေးပေးဆပ်ခဲ့
ကိုယ်ကျိုးစွန့်လွှတ်ခဲ့
ရုန်းကန်ခဲ့လေရဲ့။

အဖိုးသက်တော်ရှည်ဟာ
တိုင်းပြည်ရဲ့ ကျက်သရေဆောင်
တော်လှန်လူထုရဲ့ သိက္ခာကိုဆောင်
အမှောင်ခေတ်ထဲက ကြယ်နီပွင့်နေတဝန်း
တင့်ရွှန်းဝေသာ
တိုင်းပြည်အတွက်
လက်လက်ကျက်သရေဖြာ
စက္ကန့်တိုင်းမှာပါ။

စိုင်းလောင်မိန်းသက် (ကြယ်ကမ္ဘာ)
ဒီဇင်ဘာ ၂၆၊ ၂ဝဝ၉

လူဖြစ်ခဲ့တယ် ဒါကြောင့်

ငါတို့
ငါတို့တိုင်းပြည်မှာမွေးခဲ့
အဲဒီမြေပေါ်မှာကြီးခဲ့
ရေကိုသောက်ခဲ့
ငါတို့ အဲဒီမှာလူဖြစ်ခဲ့။

ငါတို့တိုင်းပြည်ဟာ
နာရီနဲ့မပြတ်
စစ်မုန်တိုင်း လေနီကြမ်းတိုက်ခတ်
စစ်ပွဲသွေးစီးချောင်း အထပ်ထပ်။

မလွတ်လပ်တဲ့ ဌာနီ
စစ်သံဖနှောင့်အောက်က တိုင်းပြည်
ငါတို့နဲ့ လူထုလွတ်မြောက်ဖို့
ငါတို့ကိုယ်တိုင် ရုန်းကန်စို့။

မလွတ်မြောက်သမျှ
ပေးဆပ်ရမဲ့တာဝန်
ကျေပွန်ပါမှ
လွတ်လပ်ရေးအသီးအပွင့်
ခူးဆင့်ပန်ဆင်နိုင်မယ်ပ။

စိုင်းလောင်မိန်းသက် (ကြယ်ကမ္ဘာ)
ဒီဇင်ဘာ ၂၆၊ ၂ဝဝ၉